so a nochd

du kummst ham, vastaust dein zeig,
putzt da de zähnt, wiafst di ins bed,
und mochst de ogn sölig zu

es is scho wieda so a nochd,
wiasd as oiwa wieda host.
fagessn konnst den schlof jetzt scho
ruhig bereitst di fua of schmeaz

dei kopf gehts duach de letztn wochn;
iwa wos wüst ollas räan?
de nochrichtn, de politik?
des warad ois no vü z noamoi;

dein kopf grobt os,
gonz ondre sochn:

des ane moi, dea folsche nom;
"heast **-**-**, sog wia gehts?"

a ondas moi reins foisch fo dia
"na so gehts ned, ea muas do sei..."

do songs da, wis is fia di
"ge? ma vasteht ned ois, ois moo."

und duat bist nu da oide freind
"mit eich buam vasteg i mi"

da nom, a stich, glott duachn baoch
jeds ea, a schlog ins gsicht
da moo, an homma of dein kopf
da bua, a bim dia di dasteest

so liegst do und denkst und räast;
roist de en, in deine deckn;
schogst kuazfüm vo dein läim o;

a flut os schmeaz, ded ofgstoud hosd

wia r a wossa kroftweak in de beag

oi boa monat kummts amoi
so a nochd, mit schmeaz und trän
fia heit is des woi boid vuabei;
oba jemois ned mea kummt?

Queerness, Poetry, Dialekt