dr weg
October 13, 2025•188 words
e ganzes läaba hömmr kriagt
zum kenna lerna, dr gröscht freund
der, wo mitgoht, übrall
wo manchna hochmuat bringt zum fall
bevor as liachd wor, wor der do
jagt und nischt in kopf und herz
het hundrt gsichtr, körpr, stimma
flüstrat leise in dis ohr
alles ischr was ma spührt,
soger dia leere wennr fehlt
je witr weg, je grössr d fröd
je witr weg, je leerer d welt
schmerz in jedra form und art
tuat vielna weh; macht dumme "hart"
doch nur wer lernt en zum vrstoh
der sacht da weg, der kann en go
wel fröd isch oft nur negativ:
isch nur z modell us anra form
da kasta sel isch gformt us schmerz
us dunkla sacha, ibrennt is herz
und manchas mol do luagt ma durch
als wär des alles us kristall
vrstoht, es isch gad umgekehrt:
dr freund isch allna sacha grund
hättsch nia glitta
wär d'fröd ganz stumpf
und wärsch nia traurig
wär glück ken trumpf
los schmerza zua, schaff nur damit
andrsch machsch da sel ke fröd
trau di nur, as ischas wert
wel glück kummt spötr, davor würd plärt
Poetry, Dialect