Al catacachi
May 22, 2024•389 words
Al grand d'al poro Giüstìn
i cüntava che l'eva un magnàn
vott fiöö e dò tosàn
cristian che i sa robava al pan
ma al frecc i l'ha be maiaa
in di mür imbronzaa,
che i lasava da lümaga
inciodaa lì, sota montagna.
Da terén dumaa un tuchétt
e tacà là ala föja di bigatt
al sò caco, san e biòtt
carigh - d'un bell aranz.
Al catacachi l'è tacaat al mür
Al catacachi l'è tacaat al mür
t'ai tira a dré, chi se ne frega
senza fadiga, là in butéga
Al catacachi l'è tacaat al mür
Al catacachi l'è tacaat al mür
pü nisün che cata i cachi
i sa na infrega e i và a butéga.
s'evi in giir a pirlonà
summ naj là fin quasi a bórgh
pö summ naj sü un zicc in selva
fin al giardìn d'al giüstìn
lì fermo in mezz al nient
che al faseva da padròn
al vecc caco, grand e biòtt
Carigh - dumà un zicc stort
la cà che l'è un casòn
summ mia rivaa a leng tücc i nom.
chissà se i sa d'al poro Giüstìn
d'al grand e i so fadiig
Al catacachi l'è tacaat al mür
Al catacachi l'è tacaat al mür
I t'ai tira a dré, chi se ne frega
senza fadiga, là in butéga
Al catacachi l'è tacaat al mür
Al catacachi l'è tacaat al mür
pü nisün che cata i cachi
i sa na infrega e i và a butéga.