Al suu dal magg in schéna,

al fiüm che al fa fracass

bell vess chì insema

e vardà giò là in bass,

te cerca se gh’è i pess

te sbrisiga sü pai sass

te slarga i tò brascìn

par che te vö volà…

al mè sgarìn

A ta senti a mò

süla punta d’al dìdìn

al mè sgarìn...

te cuur con chì gambett

che i par dü bachètt

e nisün po’ mai savè

quanto summ pagaa

da vess al tò pa’.

che al t'ha vist cress

e adess che te sbrisiga

te ma mòla, resti in dré…

al mè sgarìn

A ta senti a mò

süla punta d’al dìdìn

al mè sgarìn

Nisün al po' figürass

Quanto ho tribülaa

Par pudé restaa con tì

Seguitaa a fà al tò pa’

Rebegaat e nisün in cà

Avocatt e franc maiaa

Bestemm e maldicenz

E i mè pinì robà da cà

al mè sgarìn

A ta senti a mò

süla punta d’al dìdìn

al mè sgarìn

t’al là al mè sgarìn.

t’al là al mè sgarìn

che bell che bell

al mè sgarìn